لاتصدق من يقول اني نسيتك
من يقول اني هويت انسان ثاني
لك حبيبي نبض قلبي من لقيتك
لك دموعي..لك خفوقي..لك حناني
شف عيوني هي تقول اني هويتك
شف خفوقي من بعدك هو يعاني
تسكن بقلبي وفي عيني مبيتك
بك صدى صوت بأشواقه دعاني
بك أعيش ومن بحر حبي رويتك
قلبك العاشق ومن عشقه كساني
لو تبي هالروح ماتغلى..عطيتك
اطلب البسمة وبك جرحي نساني
بس أبيك تكون في قربي رجيتك
جيت لك بهديك عمري مع زماني
حيل أحبك ياسما عمري فديتك
حيل أحبك ماحد غيرك حواني
لاتقول اليوم اني ماهويتك
قول قلبي مايعيشه غيرك شخص ثاني
موضوع: لاتصدق من يقوول إني نسيتك 
الأربعاء 04 يونيو 2008, 4:26 pm
